Siç raporton “Sinjali”, dyshohet se autori i vrasjes aksidentale sot në Strellc të Deçanit është Erdonit Hasanramaj 26 vjeç, i cili është edhe djali i viktimës, Shpend Hasanramaj.
Policia ka konfirmuar se vrasja dyshohet të ketë ndodhur në mënyrë askidentale në oborrin e stanit në Strellc.
Zëdhënësi i Policisë së Kosovës për rajonin e Pejës, Driton Rugova, në një përgjigje për Gazetën Express ka konfirmuar se një person është vrarë në fshatin Strellc të Deçanit.
Ai ka thënë se në orën 13 e 42 minuta kanë marrë informacionet për një person të vrarë në oborrin e një stani në Strellc dhe sipas Rugovës, vrasja dyshohet se ka ardhur në mënyrë aksidentale dhe se bëhet fjalë për një incident mes familjarësh.
“ Me datën 23.07, rreth orës 13 e 42 minuta, kemi pranuar informata që në oborrin e një stani është një person i vrarë. Dyshohet për vrasje aksidentale dhe mes familjrëve. Është sekuestruar një armë e zjarrit dhe njësitet janë në vendin e ngjarjes.”,
