Magjistralja Pejë – Prishtinë është liruar për qarkullim pasi kanë përfunduar punimet në urën e Dollcit.
Kjo rrugë kishte qenë e bllokuar paraditen e së mërkurës për shkak të ndërhyrjeve teknike dhe punimeve të nevojshme në urë.
Ministria e Infrastrukturës më herët kishte kërkuar mirëkuptimin e qytetarëve dhe pjesëmarrësve në trafik për shqetësimet e mundshme gjatë kohës sa zgjatën punimet.
Pas përfundimit të ndërhyrjeve, qarkullimi në këtë segment rrugor tashmë është rikthyer në normalitet për të gjithë drejtuesit e automjeteve.
