Kryetari i Drenas, Ramiz Lladrovci, ka deklaruar se kryeministri Albin Kurti ka kërkuar vota nga opozita për ta bërë president Glauk Konjufca, por sipas tij nuk ka arritur të sigurojë mbështetjen e nevojshme.
Lladrovci foli edhe për përdorimin e emrit të Jashari family në proceset politike, duke kritikuar përpjekjet për ta shfrytëzuar këtë emër për interesa politike.
Sipas tij, fillimisht është tentuar që Konjufca të marrë mbështetje për postin e presidentit, por pasi nuk janë siguruar votat e opozitës, është rikthyer ideja për një kandidat nga familja Jashari.
“Deri tash nuk iu desh familja Jashari, tash po sepse nuk mund ta kaloj propozimin e presidentit dhe as nuk do të jetë Vjosa Osmani. Sipas informatave të mia, VV ka kërkuar vota për mikun tim Glaukun dhe nuk ka arritur të gjejë vota te opozita. Kur nuk i kalon Glauku, rikthehet te familja Jashari. Jasharajt nuk janë për karrierë të individëve,” është shprehur ai.
Lladrovci theksoi se respekti ndaj familjes Jashari duhet të qëndrojë mbi interesat politike dhe nuk duhet të përdoret për kalkulime partiake në procesin e zgjedhjes së presidentit të Kosovës.
