Të enjten në Kosovë pritet të mbajë mot tipik dimëror, me vranësira dhe reshje të herëpashershme bore, të cilat do të jenë më intensive gjatë orëve të mëngjesit dhe paradites.
Gjatë ditës, reshjet pritet të ndërpriten gradualisht, ndërsa moti do të nisë të kthjellohet. Në orët e mbrëmjes dhe gjatë natës do të pasojë acar i theksuar, me rënie të ndjeshme të temperaturave.
Temperaturat ditore do të lëvizin nga –5 deri në –1 gradë Celsius, por në orët e vona të mbrëmjes pritet një ulje e fuqishme e tyre. Për shkak të erërave të ftohta veriore, ndjesia e të ftohtit do të jetë më e ulët se temperatura reale.
Qytetarët këshillohen për kujdes të shtuar, veçanërisht në qarkullimin rrugor, për shkak të rrezikut nga ngricat.
