E Hene në Kosovë pritet të mbajë mot kryesisht me diell, ndërsa erërat e ftohta që kanë ndikuar ditëve të fundit do të dobësohen plotësisht gjatë ditës, duke sjellë kushte më të qëndrueshme atmosferike.
Mëngjesi do të jetë shumë i ftohtë, me temperatura minimale që pritet të zbresin deri në -7 gradë Celsius. Gjatë ditës, temperaturat do të shënojnë rritje graduale, duke arritur deri në 5 gradë Celsius maksimalja.
Në Shqipëri, Maqedoninë e Veriut, Luginën e Preshevës dhe Malin e Zi, nesër pritet mot i kthjellët dhe me diell. Mëngjesi në shumë zona do të karakterizohet nga acar, ndërsa gjatë ditës pritet rritje e ndjeshme e temperaturave dhe kushte të favorshme për aktivitete në natyrë.
