E hëna do të karakterizohet nga një mot plotësisht i vranët dhe i zymtë në mbarë vendin, shoqëruar me reshje të shpeshta lokale shiu.
Sipas parashikimeve meteorologjike, temperaturat do të pësojnë ulje të ndjeshme, ndërsa reshje bore priten vetëm në zonat e larta malore. Temperaturat minimale do të zbresin deri në rreth 7°C, ndërsa ato maksimale pritet të arrijnë vetëm 10 deri në 11°C.
Institucionet meteorologjike paralajmërojnë se këto kushte atmosferike do të krijojnë një ditë tipike vjeshte me lagështi të lartë dhe pamje të zymtë në shumicën e rajoneve të Kosovës.
