Tetori ka nisur me mot të paqëndrueshëm në Kosovë. Mëngjesi i së mërkurës solli vranësira të shpërndara, intervale me diell dhe erëra të ftohta nga veriu.
Paraditja dhe pjesa e ditës do të karakterizohen nga periudha me diell të ndërprera nga vranësira kalimtare. Mirëpo, në mbrëmje pritet shtim i madh i vranësirave, të cilat do të shoqërohen me reshje lokale shiu, fillimisht të dobëta.
Sipas parashikimeve, gjatë natës reshjet do të intensifikohen, ndërsa në zonat e larta malore pritet të fillojnë reshjet e para të borës për këtë sezon.
Temperaturat maksimale do të arrijnë deri në 16°C, por pritet të pësojnë rënie për shkak të erërave të ftohta veriore.
