Sot, e diel, territori i Kosovës do të karakterizohet nga mot më i ngrohtë dhe me më shumë rreze dielli. Pjesa më e madhe e ditës do të kalojë me kushte të qëndrueshme atmosferike, megjithatë, vranësirat lokale nuk do të mungojnë, sidomos gjatë orëve të pasdites. Në disa zona të izoluara, parashikohet ndonjë rrebesh i shkurtër shiu.
Temperaturat do të jenë në rritje të lehtë, me vlerat minimale që do të luhaten nga 2 deri në 5°C, ndërsa maksimalet pritet të arrijnë deri në 20 apo 21°C.
Edhe në vendet përreth – Shqipëri, Maqedoninë e Veriut, Luginën e Preshevës dhe Malin e Zi – dita e diel do të jetë kryesisht me diell, e shoqëruar me vranësira të pakta lokale. Temperaturat do të ndjekin të njëjtën tendencë si në Kosovë, me rritje të lehta gjatë ditës.
Kushtet e motit janë të përshtatshme për aktivitete në natyrë, por këshillohet të merret parasysh mundësia e reshjeve lokale në disa zona, veçanërisht pasdite.
