Kosova të mërkurën do të përjetojë një ditë me mot të nxehtë, diell dhe vranësira lokale. Sipas parashikimeve, erërat do të fuqizohen gradualisht në disa rajone, ndërsa vranësirat do të shtohen me kalimin e ditës. Temperaturat pritet të luhaten nga 12°C minimalja deri në 30°C maksimalja.
Edhe në Shqipëri, Maqedoninë e Veriut, Luginën e Preshevës dhe Malin e Zi, e mërkura do të karakterizohet nga mot me diell dhe shtim gradual i vranësirave lokale.
Megjithatë, pasdite vonë dhe në orët e mbrëmjes, në veriperëndim të Shqipërisë parashikohen vetëtima, bubullima dhe rrebeshe lokale shiu, të cilat gjatë natës mund të përhapen edhe në disa zona të tjera bregdetare.
