E enjtja në Kosovë pritet të karakterizohet nga mot kryesisht me diell dhe vranësira të shpërndara, të cilat në disa zona mund të marrin zhvillim të mjaftueshëm për të shkaktuar rrebeshe të izoluara shiu të shoqëruara me vetëtima dhe bubullimë. Erërat do të fryjnë me intensitet mesatar, ndërsa në disa rajone priten edhe momente me erëra më të fuqishme, kryesisht nga drejtimi i jugperëndimit. Temperaturat maksimale do të arrijnë deri në 24°C.
Në Shqipëri, Maqedoninë e Veriut, Luginën e Preshevës dhe Malin e Zi, dita do të nisë me mot të paqëndrueshëm. Në orët e hershme të mëngjesit parashikohen stuhi lokale, ndërsa gjatë ditës moti do të karakterizohet nga vranësira të pjesshme dhe intervale me diell, si dhe reshje të dobëta e të izoluara në disa zona.
Kushtet atmosferike do të jenë të ndryshueshme, duke sjellë nevojën për kujdes të shtuar, veçanërisht për ata që planifikojnë udhëtime ose aktivitete në natyrë.
