E Enjtja në Kosovë pritet të karakterizohet nga mot mjaft i nxehtë dhe me ndjesi të lartë zagushie. Përveç diellit, parashikohen edhe vranësira lokale, ndërsa në disa zona malore mund të ketë rigë ose rrebesh shiu të shoqëruar nga vetëtima dhe bubullimë. Temperaturat maksimale do të pësojnë një ulje të lehtë, duke arritur deri në 35 gradë Celsius.
Në Shqipëri, dita do të nisë me diell, por me kalimin e orëve pritet shtim i konsiderueshëm i vranësirave. Në disa zona ato do të zhvillohen fuqishëm, duke gjeneruar stuhi të izoluara kalimtare shiu, të shoqëruara me vetëtima dhe bubullimë. Temperaturat do të fillojnë të bien, megjithatë në disa rajone, veçanërisht në veriperëndim, do të mbetet shumë nxehtë.
Rrebeshe të izoluara kalimtare mund të shfaqen edhe në perëndim të Maqedonisë së Veriut dhe në Mal të Zi.
