Ministri në detyrë i Financave, Hekuran Murati, ka deklaruar se Kuvendi po mbahet i bllokuar nga opozita, që sipas tij nuk pranon rezultatin e zgjedhjeve. Ai tha se qëllimi i bllokadës ka qenë i qartë që nga fillimi dhe se shumë nga arsyetimet e dhëna nga partitë opozitare shërbejnë vetëm për të zvarritur procesin.
“Të gjitha kanë qenë arsyetime për të zvarritur kohën. Është kohë e humbur për qytetarët, për institucionet dhe për të gjithë. Ata po kërkojnë figurë uniteti, por uniteti duhet për presidentin, ndërsa kryetarin e Kuvendit e zgjedh partia e parë fituese,” tha Murati.
Ai shtoi se qëllimi i këtyre partive është të përvetësojnë rezultatin që nuk ua dha qytetari në zgjedhje, përmes vendimeve si ai i Gjykatës Kushtetuese.
