Napoli ka kurorëzuar një sezon të jashtëzakonshëm duke u shpallur kampion i Italisë për herë të katërt në historinë e klubit, pas një fitore vendimtare 2-0 ndaj Kaljarit në javën e fundit të kampionatit. Fitorja bëri të pavlefshme triumfin e Interit ndaj Komos, duke i dhënë napolitanëve trofeun e shumëpritur.
Para një stadiumi të mbushur plot dhe një atmosfere elektrizuese, vendasit u treguan të vendosur që nga minutat e para për të zgjidhur fatin e titullit. Megjithëse u përballën me disa pritje të shkëlqyera nga portieri i Kaljarit, Alen Sherri, Napoli arriti të çante mbrojtjen në minutën e 42-të falë një goditjeje spektakolare nga Scott McTominay.
Vetëm pak minuta pas rifillimit të pjesës së dytë, Romelu Lukaku vulosi fatin e ndeshjes dhe të titullit me një gol në minutën e 51-të, duke e çuar rezultatin në 2-0 dhe shpërthyer festën në “Stadio Diego Armando Maradona”.
Ky është titulli i katërt kampion për Napolin, dhe vjen si një shpërblim për vazhdimësinë, forcën kolektive dhe grintën që skuadra tregoi gjatë gjithë sezonit – një sukses që pakkush e kishte parashikuar në fillim të kampionatit.
Rezultati final: Napoli 2-0 Kaljari
Golashënues:
42′ McTominay
51′ Lukaku
Napoli kthehet në fronin e futbollit italian dhe hap një faqe të re lavdie në historinë e tij.
