NATO: Jo Konfrontim me Rusinë, por Gati për Mbrojtje

Admirali Giuseppe Cavo Dragone, Kryetar i Komitetit Ushtarak të NATO-s, deklaroi sot pas takimit të Shefave të Mbrojtjes në Riga se Aleanca nuk kërkon përballje me Moskën, por është plotësisht e përgatitur për t’u mbrojtur. “Çdo kërcënim ndaj hapësirës ajrore, tokësore dhe detare të NATO-s do të përballet me një përgjigje të vendosur dhe proporcionale. Ne jemi gati dhe nuk do të hezitojmë të veprojmë për mbrojtjen tonë kolektive,” tha ai, duke iu referuar shkeljeve të fundit të qiellit të Aleatëve nga dronët rusë.