Autoriteti Kombëtar i Ushqimit, në bashkëpunim me Krimin Ekonomik, ka kryer kontrolle në pikën e grumbullimit në Divjakë pas bllokimit nga Kroacia të një ngarkese me speca djegës nga Shqipëria.
Ngarkesa, që përmban 8,216 kilogramë spec djegës, është mbledhur nga zonat e Mollasit dhe Cërrikut në Elbasan. Analizat treguan se në specat shqiptarë janë identifikuar tre lloje pesticidesh mbi normë: Flonicamid, Chlorfenapyr dhe Tebufenpyrad.
Për shkak të këtyre rezultateve, ngarkesa është bllokuar dhe do të asgjësohet, ndërkohë që autoritetet kanë dhënë alarmin për sigurinë ushqimore.
