Kryesuesi i listës së Nismës Socialdemokrate për Prishtinën, Endrit S. Zabërgja, ka prezantuar sot programin e partisë së tij për kryeqytetin, duke nxjerrë në pah pesë prioritetet kryesore.
Në një postim në rrjetet sociale, Zabërgja shkroi se në ajrin e pastër të Gërmisë, së bashku me ekipin e tij, ata kanë shpalosur shtyllat kryesore të programit:
-
Rinia – përqendrim në mundësi dhe përkrahje për brezin e ri;
-
Shërbimet publike – përmirësimi i cilësisë dhe qasjes së tyre;
-
Sporti – zhvillimi i infrastrukturës dhe aktivitetet sportive;
-
Kultura – mbështetje e ngjarjeve dhe iniciativave kulturore;
-
Parqet – ruajtja dhe zgjerimi i hapësirave të gjelbra për qytetarët.
“Shihemi së shpejti në lagjet tuaja!”, tha Zabërgja, duke paralajmëruar takime të afërta me qytetarët për të prezantuar më gjerësisht planet e Nismës për Prishtinën.
Ky hap vjen në prag të zgjedhjeve lokale, ku partia synon të angazhojë qytetarët dhe të promovojë prioritetet e saj në kryeqytet.
