Okarina Fest 2024 ka ofruar një përvojë të jashtëzakonshme, duke bashkuar muzikën, artin dhe traditën për tri ditë plot emocion. Dita e parë e festivalit u hap me një ceremoni magjike, ku atmosfera e ngrohtë dhe aktivitetet anësore, përfshirë ekspozitat e artit, krijuan një ambient të paharrueshëm për të gjithë të pranishmit. Ky moment inauguruese shënoi fillimin e një aventure muzikore dhe kulturore që do të vijonte gjatë ditëve në vazhdim.
Dita e dytë solli një tjetër përvojë emocionuese me një masterklas të veçantë, që u mbajt në UBT, ku artistë të njohur ndanë njohuri dhe teknika me të rinjtë dhe profesionistët e muzikës. Atmosfera ishte plot energji dhe krijimtari, duke ofruar një mundësi të shkëlqyer për zhvillimin e aftësive muzikore.
Dita e tretë përmbylli festivalin me koncertin kryesor të mbajtur në Bibliotekën Qendrore Universitare, një ngjarje kulmore që bashkoi artistët dhe publikun në një mbrëmje të jashtëzakonshme muzikore. Okarina Fest 2024, një platformë e fuqishme për artin dhe kulturën, ka lënë pas një ndikim të thellë dhe është konsideruar një nga ngjarjet më të veçanta të këtij viti.
