Sot, në orët e para të mëngjesit të së dielës (29 mars), është bërë kalimi në orën verore, duke zhvendosur akrepat e orës 60 minuta përpara.
Në orën 02:00, koha kaloi direkt në 03:00, duke “ngrënë” një orë gjumë, por duke sjellë më shumë dritë gjatë ditës.
Çfarë ndryshon konkretisht?
- Zgjohesh më herët sipas orës biologjike
- Mbrëmjet bëhen më të gjata dhe më të ndriçuara
- Konsumi i energjisë pritet të ulet
Ora verore do të qëndrojë në fuqi deri në të dielën e fundit të tetorit, kur akrepat do të kthehen një orë pas.
Pse ndryshohet ora?
Qëllimi është i thjeshtë:
të shfrytëzohet më mirë drita natyrore dhe të kursehet energjia elektrike, sidomos gjatë muajve të verës kur dita zgjatet.
Pas ekuinoksit pranveror, dita rritet gradualisht dhe arrin kulmin në qershor, me deri në 15 orë dritë.
Si nisi kjo ide?
Koncepti i orës verore daton që nga viti 1907, kur anglezi William Willett propozoi ndryshimin e orës për të mos “humbur” dritën e mëngjesit.
Ironikisht, ai nuk arriti ta shihte idenë e tij në praktikë – ajo u zbatua për herë të parë gjatë Lufta e Parë Botërore në vitin 1916.
