Presidentja e Kosovës, Vjosa Osmani, ka deklaruar se kryeministri Albin Kurti dhe Lëvizja Vetëvendosje nuk e përkrahën kandidaturën e saj për presidente, edhe pse sipas saj ekzistonte mundësia që të siguroheshin votat e nevojshme në Kuvend.
Në një intervistë për Syri TV me gazetarin Çim Peka, Osmani tha se kishte zhvilluar diskutime edhe me opozitën për të siguruar votat për zgjedhjen e presidentit.
Sipas saj, sa më shumë që kishte punuar me partitë opozitare për të siguruar mbështetje në Assembly of Kosovo, aq më shumë ishte bërë e qartë se kishte gjasa që ajo të zgjidhej presidente.
“Sa më shumë që unë punoja me opozitën dhe siguroheshim që votat vërtet do të jenë aty – ju e dini se këtë e ka konfirmuar edhe kryetari i Democratic League of Kosovo që nuk ka pasur qëndrim refuzues ndaj emrit tim – kur u qartësua që ka shanse që unë të zgjidhem, nga kryeministri Kurti më erdhi një vlerësim i ri, që ishte se Grupi Parlamentar i VV-së dhe ai personalisht nuk e përkrahin kandidaturën time”, deklaroi Osmani.
Ajo shtoi se ia kishte bërë të qartë kryeministrit se nuk është e lidhur me këtë pozitë, por sipas saj situata politike dhe momentumi ndërkombëtar kërkonin stabilitet institucional.
“Unë nuk jam e lidhur me këtë pozitë, por është në dëm të interesit të shtetit tonë për shkak të momentumit që na u hap me SHBA”, tha Osmani.
Presidentja theksoi se pas zgjedhjeve fillimisht ishte thënë se ekzistonin rreth 57 vota dhe se mund të kishte vështirësi me opozitën. Megjithatë, sipas saj, përmes diskutimeve individuale me deputetë të opozitës dhe përfaqësues të komuniteteve joshumicë mund të siguroheshin deri në 80 vota.
“Sikur unë të propozoja si kandidatja e vetme e VV-së dhe ta kishim një kandidat tjetër formal, jam e bindur që sot do të kishim presidente dhe Qeverinë Kurti”, u shpreh Osmani.
