Paga e 13-të për qytetarët do të shpërndahet më 31 mars, duke i dhënë fund paqartësive që kanë qarkulluar ditët e fundit lidhur me këtë çështje.
Lajmi është bërë i ditur nga Fatos Geci, deputet i Lëvizja Vetëvendosje dhe anëtar i Komisionit për Buxhet dhe Financa, i cili ka theksuar se informacionet e mëparshme për vonesa apo ndryshime nuk kanë qenë të sakta.
Sipas tij, pagesa do të realizohet në fund të muajit, duke respektuar afatin e paraparë dhe duke garantuar që përfituesit t’i marrin mjetet në kohë.
“Njoftim për qytetarët: Rroga e 13-të do të shpërndahet të martën, më 31 mars, pasi që kohëve të fundit disa institucione dhe individë kanë shpërndarë informacione të pavërteta lidhur me këtë çështje,” thuhet në njoftim.
Shpërndarja e kësaj page shtesë pritet të ketë ndikim pozitiv në buxhetet familjare, sidomos në një periudhë kur kostot e jetesës mbeten të larta dhe kërkesat financiare janë në rritje.
