Dita e premte në Kosovë do të karakterizohet nga mot me diell dhe vranësira të shpërndara. Pas kalimit të frontit të ftohtë që u shënua të enjten pasdite, pritet një freskim i lehtë i temperaturave, duke e bërë të premten më të butë krahasuar me ditët e mëparshme.
Temperaturat maksimale pritet të arrijnë deri në 28°C, ndërsa orët e mëngjesit do të sjellin ndjesi më të freskët.
Edhe në rajon, përfshirë Shqipërinë, Maqedoninë e Veriut, Luginën e Preshevës dhe Malin e Zi, moti do të jetë kryesisht i kthjellët me vranësira kalimtare. Në jug të Shqipërisë, në orët e para të mëngjesit, mund të ketë stuhi të izoluara dhe të shkurtra si pasojë e ndikimit të mbetjeve të frontit ajror të ftohtë.
Meteorologët rekomandojnë kujdes në rast të reshjeve të papritura, sidomos në zonat malore dhe jugore të Shqipërisë, ndërsa pjesa tjetër e rajonit do të gëzojë kushte të mira atmosferike për fundjavë.
