Sot (e diel), në Kosovë po mbizotëron mot kryesisht me diell, i shoqëruar me vranësira të herëpashershme lokale. Erërat fryjnë nga veriu dhe verilindja, duke sjellë freski në disa zona. Temperaturat variojnë nga 11°C minimalja deri në 27°C maksimalja, kryesisht në rajonin e Dukagjinit.
Edhe në Shqipëri dhe rajon moti është i qëndrueshëm me diell dhe vranësira të lokalizuara. Atmosfera mbetet stabile, por gjatë orëve të pasdites në disa zona të izoluara mund të shfaqen rrebeshe të shkurtra shiu të shoqëruara me vetëtima dhe bubullima.
Temperaturat në mbarë rajonin janë rreth mesatares sezonale, megjithëse në disa zona shënohen pak nën këto vlera.
