Kryeministri në detyrë i Republikës së Kosovës, Albin Kurti, ka emëruar sot zëvendësministrin e deritanishëm të Mjedisit, Planifikimit Hapësinor dhe Infrastrukturës, Hysen Durmishi, si ushtrues detyre të ministrit të këtij dikasteri.
Ky vendim vjen pas dorëheqjes dhe lirimit nga detyra të ministrit Liburn Aliu.
Në njoftimin e Qeverisë, Kurti ka uruar Durmishin për përgjegjësinë e re dhe i ka dëshiruar suksese në përmbushjen e detyrave, duke theksuar rëndësinë e vazhdimësisë në punën e ministrisë.
