Personi që udhëhoqi një komplot për të vrarë Donald Trump u vra gjatë sulmeve ndaj Iranit, konfirmoi të mërkurën shefi i Pentagonit, Pete Hegseth.
“Udhëheqësi i njësisë që tentoi të vriste Presidentin Trump është gjurmuar dhe është vrarë”, tha Hegseth në një konferencë për shtyp në Pentagonm shkruan The Guardian.
Komploti daton që nga viti 2024, kur prokurorët federalë nën administratën e Joe Biden akuzuan shtetasin iranian 51-vjeçar Farhad Shakeri dhe dy burra nga Nju Jorku për drejtimin e një operacioni vrasjeje me pagesë në emër të Korpusit të Gardës Revolucionare Islamike.
Qëllimi, sipas Departamentit të Drejtësisë në atë kohë, ishte hakmarrja për vrasjen nga Trump të gjeneralit iranian Qasem Soleimani në vitin 2020.
Prokurorët thanë se Shakeri ishte udhëzuar personalisht nga një zyrtar i IRGC-së për të vrarë Trump gjatë fushatës presidenciale.
