Sipas të dhënave të publikuara nga Komisioni Qendror i Zgjedhjeve (KQZ), deri në orën 13:00 pjesëmarrja në zgjedhjet e parakohshme për Kuvendin e Republikës së Kosovës ka arritur në 11,07 për qind.
Nga 1,999,204 qytetarë të regjistruar në Listën e Votuesve, kanë votuar 221,289 persona. Deri në këtë orë janë procesuar 1,576 nga 2,557 vendvotime, apo 61,63 për qind e totalit.
Komunat me pjesëmarrjen më të lartë
-
Ranillugu – 33,28%
-
Shtërpca – 23,46%
-
Novobërda – 20,89%
-
Gjilani – 15,93%
-
Lipjani – 15,48%
Komunat me pjesëmarrjen më të ulët
-
Zubin Potoku – 0,00%
-
Mamushë – 0,00%
-
Leposaviqi – 0,27%
-
Mitrovica e Veriut – 2,14%
-
Parteshi – 3,19%
Në kryeqytet, Prishtinë, deri në orën 13:00 kanë votuar 22,372 qytetarë, apo 10,19 për qind e votuesve të regjistruar.
KQZ ka sqaruar se këto të dhëna përfshijnë vetëm vendvotimet e rregullta, pa përfshirë votimin me kusht, votimin e personave me nevoja të veçanta dhe votimin jashtë Kosovës.
Procesi zgjedhor po vazhdon dhe pritet që përqindja e pjesëmarrjes të rritet në orët e pasdites.
