Policia e Kosovës ka dhënë informacion shtesë lidhur me kontrollet dhe bastisjet e realizuara në rajonin e Mitrovicës së Veriut, ku janë kontrolluar disa lokacione dhe është sekuestruar një sasi e konsiderueshme armësh dhe municioni.
Rasti III – Lagja Korile, Komuna e Zveçanit:
Gjatë kontrollit të një shtëpie banimi, pronari deklaroi se dy armët që kishte me leje të UNMIK-ut i kishte dërguar në Serbi. Policia gjeti dhe sekuestruar një sasi të vogël municioni.
Bazuar në Nenin 108, paragrafi 1.5 të ligjit për kontrollin dhe sekuestrimin e përkohshëm pa urdhër të gjykatës, policia kryeu bastisje edhe në objektet përcjellëse të të dyshuarit për të parandaluar asgjësimin apo humbjen e provave materiale.
Gjatë bastisjes janë sekuestruar:
-
Dy karikatorë për armë të gjata
-
49 detonatorë elektrikë
-
Një thikë
-
Një këllëf për armë të gjata
-
Një fishek me mbishkrim “PPU 8×75 IS”
-
Një fitil ngadalë ndezës për eksploziv me detonator mekanik
-
Gjashtë detonatorë elektrikë të rinj
-
Dy paketime sfera për mbushje të fishekëve të gjuetisë
-
Makineri për mbushje municioni
-
Pjesë shtuese për armë të gjata (trombllon)
-
Tel për iniciues të detonatorëve
-
Armë e gjatë e çmontuar me dy karikatorë dhe 60 fishekë të kalibrit 7.62×39
-
35 kuti me 525 fishekë “IK 89”
-
59 fishekë me mbishkrim “E”
-
65 fishekë për armë të gjata “IK 89”
-
50 fishekë për pistoletë “PPU 9mm LUGER”
-
Dy karikatorë pa municion
-
Pajisje distancë matëse
-
Thikë për pushkë bajonetë
Për këtë rast, është arrestuar S.G., 73 vjeç, i cili pas intervistimit në prezencën e avokatit mbrojtës, me urdhër të prokurorit të shtetit, është ndaluar për 48 orë. Është iniciuar rasti “Mbajtja në pronësi, kontroll ose posedim i paautorizuar i armëve”.
Rasti VI – Rruga “Prote Stojana”, Zveqan:
Gjatë kontrollit të një shtëpie tjetër, janë sekuestruar:
-
Një pushkë gjuetie
-
12 fishekë të pushkës së gjuetisë
-
15 gëzhoja të kalibrave të ndryshëm
-
2 sfera për fishekët e gjuetisë
-
Rrip për mbajtjen e fishekëve
Në këtë rast nuk ka persona të arrestuar, por një person do të intervistohet si i dyshuar. Rasti është inicuar gjithashtu si “Mbajtje në pronësi, kontroll ose posedim i paautorizuar i armëve”.
Drejtoria Rajonale e Policisë në Mitrovicë Veri paralajmëron se aksione të tilla do të vazhdojnë dhe apelon tek qytetarët që të respektojnë ligjin. Çdo armë e mbajtur pa leje të vlefshme konsiderohet e kundërligjshme, dhe qytetarët inkurajohen të paraqiten në stacionet policore për të kryer procedurat për lejet e armëve.
