Policia e Kosovës ka njoftuar se gjatë 17 shkurtit ka realizuar tri kontrolle të ndara në rajonin e veriut, ku janë gjetur dhe sekuestruar armë, municion, granata dore dhe pajisje të tjera ilegale.
Sipas njoftimit të Drejtorisë Rajonale Mitrovicë Veri, veprimet janë ndërmarrë pas informatave të pranuara nga qytetarët, ndërsa kontrollet janë kryer në fshatra të Zubin Potok dhe Zveçan.
Rasti i parë – Jagnjenic, Zubin Potok
Rreth orës 01:20, në një shtëpi të pabanuar janë gjetur:
-
95 fishekë të kalibrave të ndryshëm;
-
1 emblemë dhe disa spaleta të Policisë së Serbisë.
Rasti i dytë – Zhitkovc, Zveçan
Rreth orës 09:20, në një hambar të një shtëpie të braktisur janë sekuestruar:
-
1 armë AK-47;
-
1 granatë dore M-57 (prodhim jugosllav);
-
3 karikatorë të zbrazët;
-
85 fishekë të kalibrit 7.9 mm;
-
60 fishekë të armës AK-47;
-
2 uniforma ushtarake me emblema të Serbisë.
Rasti i tretë – Varage, Zubin Potok
Rreth orës 12:20, në një tjetër shtëpi të pabanuar janë gjetur:
-
1 granatë dore;
-
50 fishekë të kalibrit 7.62 mm.
Në rastet e dyta dhe të treta kanë intervenuar edhe njësitë për trajtimin e mjeteve eksplozive (EOD), të cilat kanë bërë tërheqjen e kontrolluar të granatave.
Me urdhër të Prokurorit të Shtetit janë iniciuar raste për veprën penale “Mbajtje në pronësi, kontroll ose posedim të paautorizuar të armëve”. Deri më tani nuk ka persona të arrestuar.
Policia ka falënderuar qytetarët për bashkëpunimin dhe ka bërë thirrje që çdo informacion që ndihmon në ruajtjen e rendit dhe sigurisë të raportohet në numrin 192.
