Premier Liga angleze ka startuar me fitore të thella dhe barazime dramatike.
Sandërlend debutoi fuqishëm këtë sezon, duke mposhtur Uest Hemin me rezultat bindës 3-0. Në fushë nga minuta e parë ishte mesfushori shqiptar Granit Xhaka, i cili u rikthye në elitën e futbollit anglez me fitore.
Edhe Totenhemi shënoi të njëjtin rezultat, duke fituar 3-0 ndaj Bërnlit. Për këtë takim, sulmuesi shqiptar Armando Broja nuk ishte as në stol, pasi stafi teknik pret që ai të rikthehet në formën optimale.
Një tjetër sfidë e zhvilluar në të njëjtën orë, mes Brajtonit dhe Fulhemit, u mbyll me barazim 1-1. Futbollisti shqiptar Brajan Gruda mori minuta në lojë, duke hyrë nga stoli.
Ndërkohë, më herët gjatë ditës, Aston Vila dhe Njukasëll ndanë pikët pas një barazimi pa gola.
Premier Liga ka nisur me ritëm të lartë, duke premtuar një sezon të fortë dhe me prani të futbollistëve shqiptarë në skenën më të madhe të futbollit anglez.
