Presidentja e Kosovës, Vjosa Osmani, ka nisur konsultimet për konstituimin e Kuvendit. Në një njoftim nga Presidenca, u bë e ditur se ftesat për takimet e para janë dërguar dhe se tani priten konfirmimet nga partitë politike.
Kjo iniciativë vjen pas shprehjes së gatishmërisë së Presidentes Osmani, e cila disa ditë më parë theksoi se është e gatshme të priste liderët e të gjitha partive politike në një takim gjithëpërfshirës, nëse ata e vlerësojnë si të nevojshëm një angazhim të tillë për zgjidhjen e ngërçit politik në vend.
