Presidentja e Republikës së Kosovës, Vjosa Osmani, gjatë vizitës së saj në New York, është takuar me përfaqësuesen e Lartë të Bashkimit Evropian, Kaja Kallas.
Në një postim në rrjetet sociale, Presidentja Osmani ka theksuar se gjatë takimit janë diskutuar zhvillimet e fundit në Kosovë dhe rajon. Ajo ritheksoi se integrimi i Kosovës në BE mbetet një nga prioritetet kryesore të shtetit.
“Ritheksova domosdoshmërinë e heqjes së masave të padrejta të BE-së ndaj Kosovës, të cilat po dëmtojnë të gjithë qytetarët tanë, pa përjashtim”, ka shkruar Presidentja Osmani.
Ajo gjithashtu theksoi se Kosova mbetet e vendosur për paqe dhe stabilitet afatgjatë në rajon.
