Me fillimin e vitit shkollor 2025/2026, Kryeqyteti i Kosovës shënon një hap të rëndësishëm drejt modernizimit të arsimit, duke përfshirë 7 shkolla në programin e mësimit tërëditor. Ky hap synon të sigurojë një ambient të sigurt, të dashur dhe frymëzues për çdo nxënës, duke vendosur arsimin si themelin e një të ardhmeje më të ndritur për brezat e rinj.
Përmes një takimi me drejtorët e shkollave dhe kopshteve, përfaqësuesit e Drejtorisë së Arsimit riafirmuan angazhimin për:
-
Lidership të fortë, që udhëheq me vizion dhe përgjegjësi;
-
Bashkëpunim të gjerë, që përfshin çdo hallkë të komunitetit;
-
Fëmijët në qendër të vendimeve, duke i vendosur nevojat e tyre si prioritet kryesor.
Ky fillim i ri shkollor shënon më shumë se një hap administrativ; është një kapitull i ri në historinë e arsimit në Prishtinë, që synon ngritjen e standardeve, fuqizimin e mësimdhënësve dhe ndërtimin e një komuniteti arsimor më të fortë.
