Prishtina po hyn në ditën tjetër pa asnjë linjë autobusi në qarkullim. Trafiku Urban dhe operatorët privatë vazhdojnë pezullimin e punës, pasi bllokada financiare në Komunën e Prishtinës nuk është zgjidhur.
Stacionet e autobusëve në kryeqytet edhe sot janë bosh, duke lënë mijëra qytetarë pa asnjë mundësi transporti publik.
Ngërçi ka shpërthyer pas konfliktit mes Komunës së Prishtinës dhe Qeverisë në detyrë – konkretisht Ministrisë së Financave – të cilat po ia hedhin fajin njëra-tjetrës për mos-alokimin e buxhetit.
Derisa palët nuk lëvizin, qytetarët po e paguajnë faturën më të rëndë: kryeqyteti i paralizuar dhe asnjë sinjal për rikthimin e linjave.
