Kryeqyteti po bëhet gati për atmosferën festive të edicionit të gjashtë të Street Party Prishtina, që zhvillohet sot në zemër të qytetit.
Për shkak të organizimit, rruga “Fehmi Agani”, nga Ambasada e Kroacisë deri te pompa e benzinës, do të jetë e mbyllur për qarkullim nga ora 08:00 e mëngjesit të së dielës, më 7 shtator, deri në ora 03:00 të mëngjesit të së hënës, më 8 shtator.
Aktiviteti i shumëpritur nis në ora 12:00 dhe përfundon në ora 22:00, duke sjellë muzikë, performanca dhe gjallëri për qytetarët e Prishtinës.
Autoritetet komunale kanë falënderuar qytetarët për mirëkuptimin dhe ftojnë të gjithë të marrin pjesë në festën e rrugës që tashmë është bërë traditë e kryeqytetit.
