Kompania Rajonale e Ujësjellësit “Prishtina” sh.a. ka njoftuar se të premten, më 31 maj, do të kryhen punime teknike në fabrikën e ujit në Badoc, çka do të sjellë ndërprerje të furnizimit me ujë të pijshëm në disa zona të kryeqytetit.
Sipas njoftimit zyrtar, ndërprerja do të zgjasë nga ora 09:00 deri në 18:00, kohë gjatë së cilës banorët e Matiqanit, Bregut të Diellit, lagjes 28, Hajvalisë dhe Veternikut do të përballen me mungesë të përkohshme të ujit.
KRU “Prishtina” ka kërkuar mirëkuptimin e qytetarëve dhe ka siguruar se punimet janë pjesë e procesit të mirëmbajtjes dhe përmirësimit të rrjetit të ujësjellësit, për të garantuar shërbime më të qëndrueshme në të ardhmen.
Qytetarët e zonave të prekura këshillohen të marrin masa paraprake për të siguruar sasi të mjaftueshme uji për nevojat bazë gjatë orëve të ndërprerjes.
