Qeveria e re e Edi Ramës ka marrë sot votëbesimin e Kuvendit në një seancë që zgjati vetëm 25 minuta, duke miratuar programin qeverisës dhe emrat e 16 ministrave. Seanca u shoqërua me kaos dhe debate të forta, por mazhoranca siguroi 82 vota pro, të mjaftueshme për të kaluar kabinetin e ri qeveritar.
Ceremonia e betimit do të zhvillohet nesër në orën 10:00 në Presidencë, ku ministrat do të japin betimin para kreut të shtetit, Bajram Begaj, duke finalizuar kështu zyrtarizimin e “Rama 4”. Pas ceremonisë, ministrat do të zhvendosen drejt Kryeministrisë, ku pritet të mbahet mbledhja e parë e qeverisë së re.
Përbërja e qeverisë “Rama 4”:
-
Belinda Balluku – Zëvendëskryeministre dhe ministre e Energjisë dhe Infrastrukturës
-
Albana Koçiu – Ministre e Punëve të Brendshme
-
Elisa Spiropali – Ministre për Evropën dhe Punët e Jashtme
-
Petrit Malaj – Ministër i Financave
-
Blendi Gonxhja – Ministër i Kulturës, Turizmit dhe Sportit
-
Sofjan Jaupaj – Ministër i Mjedisit
-
Mirela Kumbaro – Ministre e Arsimit
-
Evis Sala – Ministre e Shëndetësisë dhe Mirëqenies Sociale
-
Delina Ibrahimaj – Ministre e Ekonomisë dhe Inovacionit
-
Besfort Lamallari – Ministër i Drejtësisë
-
Pirro Vengu – Ministër i Mbrojtjes
-
Andis Salla – Ministër i Bujqësisë dhe Zhvillimit Rural
-
Ervin Demo – Ministër i Shtetit për Pushtetin Vendor
-
Majlinda Dhuka – Ministre e Shtetit dhe Kryenegociatore e Shqipërisë
-
Adea Pirdeni – Ministre e Shtetit për Antikorrupsionin
-
Toni Gogu – Ministër për Marrëdhëniet me Parlamentin
Me betimin e nesërm, kabineti i ri do të nisë zyrtarisht punën, duke shënuar mandatin e katërt qeverisës të Edi Ramës.
