Kryeministri Albin Kurti ka njoftuar sot se paga minimale në Kosovë do të rritet në 425 euro bruto duke filluar nga muaji i ardhshëm, ndërsa faza e dytë e vendimit hyn në fuqi më 1 korrik, kur paga minimale do të shkojë në 500 euro.
Sipas Kurtit, rreth 150 mijë punëtorë të sektorit privat pritet të përfitojnë nga kjo rritje. Ai theksoi se qeveria e tij e ka marrë pagën minimale në nivelin 130/170 euro dhe, brenda një mandati, po e rrit për të tretën herë.
Kryeministri u shpreh se ky vendim synon të përmirësojë standardin e jetesës dhe të adresojë ngecjen shumëvjeçare në përcaktimin e pagës minimale në vend.
