Kryetari i Aleancës për Ardhmërinë e Kosovës (AAK), Ramush Haradinaj, ka drejtuar një urim të veçantë për Bashkësinë Islame të Kosovës dhe gjithë besimtarët myslimanë shqiptarë me rastin e festës së Kurban Bajramit.
Në mesazhin e tij, Haradinaj theksoi rëndësinë e kësaj feste si simbol i sakrificës, mëshirës dhe solidaritetit:
“Të gjithë qytetarëve dhe bashkëkombasve shqiptarë të besimit islam, urime festa e Kurban Bajramit. Me fat! Kjo festë le të forcojë ndjenjat e mirëkuptimit, paqes dhe respektit mes nesh.”
Urimi i tij u prit me vlerësim nga përfaqësues të Bashkësisë Islame dhe qytetarë, ndërsa në të gjithë vendin po zhvillohen aktivitetet tradicionale fetare e familjare në kuadër të Bajramit të Madh.
