Kryetari i Aleancës për Ardhmërinë e Kosovës, Ramush Haradinaj, ka përkujtuar sot ditëlindjen e heroit të kombit Zahir Pajaziti, përmes një postimi të shkurtër në rrjetin social Facebook.
“Urime ditëlindja Hero!” – ka shkruar Haradinaj, duke e shoqëruar postimin me fotografinë e komandantit legjendar të Ushtrisë Çlirimtare të Kosovës, Zahir Pajaziti.
Urimi i Haradinajt është shpërndarë dhe komentuar gjerësisht nga ndjekësit, të cilët kanë kujtuar rolin e pajazitasit në organizimin e rezistencës së armatosur kundër forcave serbe në vitet ’90.
Zahir Pajaziti, së bashku me Hakif Zejnullahun dhe Edmond Hoxhën, u vra më 31 janar 1997 në fshatin Pestovë të Vushtrrisë, duke u bërë ndër figurave themelore të luftës për liri dhe një nga komandantët e parë të UÇK-së që u shpall “Hero i Kosovës”.
