E marta në Kosovë pritet të karakterizohet nga mot kryesisht i vranët, me reshje të herëpashershme lokale shiu gjatë gjithë ditës. Në disa zona do të ketë rrebeshe të shoqëruara me vetëtima dhe bubullimë, sidomos në orët e para të mëngjesit, ku mund të ketë reshje më intensive. Megjithatë, parashikohen edhe intervale me diell në disa rajone.
Temperaturat do të pësojnë ulje të lehtë, ku ato maksimale do të variojnë ndërmjet 24 deri në 28 gradë Celsius.
Ndërkohë, Shqipëria, Maqedonia e Veriut, Lugina e Preshevës dhe Mali i Zi do të përjetojnë një ditë me diell dhe vranësira të përziera me reshje lokale shiu. Në Shqipëri, gjatë orëve të para të mëngjesit, lokalisht priten stuhi lokale dhe rrebeshe më intensive, ndërsa gjatë ditës reshjet do të jenë më të pakta dhe sporadike.
I gjithë rajoni do të ndjejë një rënie të lehtë të temperaturave, duke sjellë freskim pas ditëve me vapë intensive. Autoritetet meteorologjike këshillojnë kujdes të shtuar për zonat që mund të preken nga stuhitë lokale dhe vetëtimat.
