Reshjet e shiut pritet të vazhdojnë edhe gjatë natës dhe mëngjesit në shumë zona të Kosovës, si dhe në disa pjesë të Shqipërisë dhe Maqedonisë së Veriut. Instituti Hidrometeorologjik ka paralajmëruar se reshjet do të jenë herë pas here lokale, ndërsa në disa rajone mund të jenë më intensive.
Sipas parashikimeve, dita e nesërme do të karakterizohet nga moti kryesisht i vranët dhe me reshje të herëpashershme shiu, veçanërisht gjatë mëngjesit dhe paradites. Në orët e pasdites, pritet që reshjet të dobësohen dhe të paraqiten vetëm në formë të rrebesheve të izoluara në disa rajone të vendit.
Temperaturat do të shënojnë ulje të ndjeshme, me maksimumet ditore që nuk do të kalojnë 13 gradë Celsius.
