Nga nesër hyn në fuqi zbatimi i plotë i Rregullores për parkingjet në kryeqytet, në përputhje me vendimin e Gjykatës Supreme.
Komuna e Prishtinës njofton qytetarët se përdorimi i parkingjeve publike të menaxhuara nga “Prishtina Parking” do të jetë i mundur vetëm me pagesë, sipas tarifave zyrtare. Çdo parkim pa pagesë do të ndëshkohet me gjoba dhe masa të tjera administrative, në përputhje me legjislacionin në fuqi.
Autoritetet theksojnë se hapësirat publike të qytetit janë të destinuara për përdorim të barabartë nga të gjithë qytetarët dhe se respektimi i rregullave do të sigurojë një qarkullim më të rregullt dhe të organizuar.
