Rreth 21 milionë pensionistë në Gjermani do të marrin pensione më të larta duke filluar nga 1 korriku 2026, pasi qeveria ka njoftuar një rritje prej 4.24% të pagesave mujore.
Sipas të dhënave nga Ministria e Punës e Gjermanisë në Berlin, kjo rritje është më e madhe sesa parashikimet e mëparshme dhe lidhet drejtpërdrejt me rritjen e pagave në vend.
Sa do të rriten pensionet
Me ndryshimet e reja, vlera e një pike pensioni do të rritet nga 40.79 euro në 42.52 euro.
Për një pension standard – që llogaritet për një person me 45 vite kontribute dhe pagë mesatare – kjo do të thotë një rritje prej rreth 77.85 euro në muaj.
Pse rriten pensionet
Në sistemin statutor gjerman, pensionet janë të lidhura drejtpërdrejt me rritjen e pagave të punonjësve. Kjo do të thotë se pensionistët përfitojnë nga rritja ekonomike dhe nga rritja e të ardhurave në tregun e punës.
Ministrja e Punës, Bärbel Bas, tha se ky vendim është një sinjal i rëndësishëm për drejtësi sociale.
Sipas saj, pensionet e mira nuk janë luks, por një e drejtë për njerëzit që kanë punuar dhe kanë paguar kontribute gjatë gjithë jetës së tyre.
Kur hyn në fuqi vendimi
Vendimi për rritjen e pensioneve duhet të konfirmohet përmes një rregulloreje që do të miratohet nga qeveria federale dhe nga Bundesrat.
Pas këtij procesi formal, rritja do të hyjë në fuqi më 1 korrik 2026.
Sipas Sigurimi Gjerman i Pensioneve, kjo rritje tregon se sistemi i pensioneve vazhdon të ndjekë parimin bazë: pensionet duhet të rriten në përputhje me pagat dhe standardin e jetesës në vend.
