Pas një mëngjesi të ftohtë, kjo e mërkurë sjell ndryshime të dukshme në kushte atmosferike në rajon. Moti pritet të përmirësohet ndjeshëm gjatë ditës, me dominim të diellit dhe prezencë të lehtë të vranësirave lokale.
Sipas parashikimeve meteorologjike, temperaturat do të shënojnë një rritje të shpejtë, duke arritur në mesditë vlerat nga 19 deri në 21 gradë Celsius. Edhe pse temperaturat do të ngjiten, erërat e freskëta nga drejtime të ndryshme do të vazhdojnë të ndihen gjatë gjithë ditës.
Situata e motit do të jetë e ngjashme në të gjithë rajonin, përfshirë Shqipërinë, Maqedoninë e Veriut, Luginën e Preshevës dhe Malin e Zi. Mëngjesi mbetet i freskët, ndërsa në disa zona malore të Malit të Zi, temperaturat pritet të zbresin nën zero gradë Celsius.
Megjithatë, dita do të karakterizohet nga kushte të qëndrueshme dhe temperatura që në shumë zona do të kalojnë pragun e 20 gradëshit, duke krijuar një ndjesi pranverore për banorët e rajonit.
Ky ndryshim i motit pritet të sjellë lehtësim pas ditëve më të ftohta dhe të përgatisë terrenin për një fundjavë më të ngrohtë.
