Përpara fillimit të samitit të NATO-s në Hagë, Presidenti amerikan Donald Trump publikoi një mesazh nga Sekretari i Përgjithshëm i NATO-s, Mark Rutte, në të cilin ky i fundit e përgëzon për qëndrimet ndaj Iranit dhe për përpjekjet për rritjen e shpenzimeve të mbrojtjes nga vendet evropiane.
Në mesazh, Rutte shkruan se Trump “do të arrijë diçka që asnjë president amerikan nuk ka arritur për dekada”, duke iu referuar angazhimit të shteteve anëtare për të rritur shpenzimet ushtarake në 5% të PBB-së deri në vitin 2035.
Publikimi i mesazhit ngjalli reagime të shumta, sidomos pas deklaratës së mëparshme të Trump se “Neni 5 i NATO-s ka interpretime të ndryshme”, duke ngritur shqetësime për mbrojtjen kolektive. Megjithatë, vetë Rutte e konfirmoi autenticitetin e mesazhit dhe u shpreh se “nuk kishte asgjë sekrete në të”.
Analistët e kanë parë eulogjinë si përpjekje për të fituar favorin e Trump para vendimeve strategjike në samit, ku pritet rikonfirmimi i përkushtimit për mbrojtjen transatlantike. Samiti përfshin 32 vende anëtare të NATO-s dhe nis me një darkë zyrtare të organizuar nga familja mbretërore holandeze.
