Sekretari i Përgjithshëm i NATO-s, Mark Rutte, ka hedhur akuza të rënda drejt presidentit rus Vladimir Putin, duke e bërë atë përgjegjësin kryesor për vazhdimin e luftës në Ukrainë. Në një intervistë për gazetën prestigjioze gjermane Bild, Rutte shpjegoi arsyet pse fundi i konfliktit duket ende i largët.
“Bilanci tragjik i Putinit: 1.1 milion viktima për 1% territor”
Pyetjes se pse është kaq e vështirë t’i jepet fund luftës, Rutte iu përgjigj shkurt: “Arsyeja është Putin!”. Sipas kreut të Aleancës, ambiciet e liderit rus po paguhen me një kosto njerëzore të tmerrshme për vetë Rusinë.
-
Humbjet njerëzore: Vlerësohet se deri në 1.1 milion rusë janë vrarë ose plagosur në front që nga fillimi i luftës.
-
Përparimi minimal: Rutte theksoi se pavarësisht këtyre sakrifikimeve, përfitimet territoriale të Rusisë gjatë këtij viti janë të papërfillshme, duke zënë më pak se 1% të territorit ukrainas në krahasim me fillimin e vitit.
“Koalicioni i të Gatshmëve”: Trupa evropiane në Ukrainë?
Një tjetër pikë kyçe e deklaratës së Rutte ishte gatishmëria e disa vendeve evropiane për të dërguar trupa në Ukrainë, nëse një gjë e tillë do të jetë e nevojshme.
Ai konfirmoi se po punohet mbi detajet e të ashtuquajturit “Koalicioni i të Gatshmëve”.
“Detajet e sakta po përpunohen: si do të funksiononte vendosja e trupave? Çfarë do të ndodhte në tokë, në det dhe në ajër? Të gjithë këta elementë janë aktualisht në shqyrtim,” u shpreh ai.
Ky paralajmërim sinjalizon një fazë të re të përfshirjes së mundshme evropiane në konflikt, duke rritur presionin ndaj Kremlinit në një kohë kur fronti mbetet kryesisht i ngrirë.
