Vetëm pak orë para mbajtjes së seancës së 22-të të Kuvendit të Kosovës, një grup organizatash të Shoqërisë Civile do të organizojnë një aksion simbolik për të shprehur pakënaqësinë ndaj dështimit të deputetëve për të krijuar institucionet e reja.
Aksioni protestues do të mbahet në Sheshin “Ibrahim Rugova”, duke nisur nga ora 10:00 paradite. Organizatorët e cilësojnë këtë veprim si një thirrje publike kundër bllokimit të funksionimit institucional dhe mungesës së vullnetit politik për të ecur përpara me formimin e institucioneve shtetërore.
Me këtë veprim simbolik, Shoqëria Civile synon të nxisë përgjegjësi politike dhe reflektim nga ana e deputetëve të Kuvendit, të cilët akuzohen për zvarritje të proceseve demokratike në vend.
