Shqiptarët votuan të dielën, më 11 maj, për zgjedhjet parlamentare, duke shprehur vullnetin e tyre për një parlament të ri. Pas fillimit të procesit të numërimit të votave, ka filluar të formohet edhe struktura e re parlamentare. Sipas të dhënave zyrtare të Komisionit Qendror të Zgjedhjeve (KQZ), projektimet tregojnë se Partia Socialiste (PS) pritet të fitojë 83 mandate deputeti, ndërsa Partia Demokratike-Aleanca për Shqipërinë Madhështore (PD-AShM) pritet të marrë 51 mandate.
Partia Social Demokrate renditet e treta, me 3 mandate të parashikuara, ndërsa pas saj vijnë Nisma Shqipëria Bëhet, Lëvizja Bashkë dhe Partia Mundësia, secila me nga një mandat.
