Hashim Thaçi fillimisht si lider studentor pas vitit 1990 e pastaj si një prej aksionistëve të parë të UÇK-së, kishte rënë në sy të aparatit shtetëror serb.
Serbia e kërkonte me ngulm për ta arrestuar apo për ta vrarë.
Në vitin 1997, Hashim Thaçi u dënua me 10 vjet burg dhe fotografia e tij u përhap gjithandej në mediat serbe.
“Policia serbe ka lëshuar urdhër për arrestimin e tetë terroristëve shqiptarë etnikë për vrasje dhe rrëmbime të shumta të civilëve, si dhe sulme ndaj ushtrisë dhe policisë së Jugosllavisë”, thuhej në kërkesën e policisë.
Sipas policisë okupatore serbe, Hashim Thaçi kërkohej për përfshirjen e tij në sulmet ndaj policisë në Drenas.
Po ashtu, bashkë me Thaçin kërkohej edhe Sami Lushtaku, Jakup Krasniqi, Ramë Buja, Jakup Nura, etj.
Në këtë njoftim, policia serbe provoi që ta fus elementin fetar për të propaganduar më pastaj, por që UÇK si ideologji të vetme e kishte shqiptarizmin.
