Share:
Share
Tweet
Kuvendi i Kosovës ka më pak se dy javë kohë për të zgjedhur presidentin e ri të vendit para se vendi të shkojë në zgjedhje të parakohshme.
Partitë parlamentare, pavarësisht diskutimeve, nuk kanë arritur të gjejnë konsensus për emrin e të parit të vendit, teksa opozita akuzon Lëvizjen Vetëvendosje për mungesë të konsensusit.
Burime të Klankosova.tv mësojnë që Partia Demokratike e Kosovës sot do të mbajë mbledhje të Kryesisë ku do të diskutohet kjo çështje.
Sipas të njëjtave burime, PDK do të dalë me qëndrim rreth çështjes së presidentit menjëherë pas përfundimit të mbledhjes.
Zyrtarë të kësaj partie, publikisht kanë thënë se nuk do të takohen me LVV-në pa pranuar një ftesë zyrtare specifike për temat që do të diskutohen. E partia e kryeministrit Albin Kurti ende nuk i ka dërguar një ftesë së tillë.
