Komandanti i misionit të NATO-s në Kosovë, Gjeneral Major Özkan Ulutaş, priti sot në Shtabin e KFOR-it në Kampin Film City, Përfaqësuesin Ushtarak të Mbretërisë së Bashkuar në NATO dhe Bashkimin Evropian, Gjeneral Lejtnant Sir Ian Cave.
Gjatë takimit, të dy gjeneralët diskutuan situatën aktuale të sigurisë në Kosovë dhe rajonin përreth, duke theksuar rëndësinë e rolit të KFOR-it në nxitjen e stabilitetit dhe mbështetjen e dialogut politik konstruktiv.
Gjenerali Ulutaş shprehu vlerësimin për kontributin e vazhdueshëm të Mbretërisë së Bashkuar në ruajtjen e një mjedisi të sigurt për qytetarët e Kosovës, duke nënvizuar bashkëpunimin e frytshëm në kuadër të misionit të NATO-s.
